Fasteignamat er lægst á Patreksfirði af þeim stöðum sem Fasteignskrá Íslands hefur gert samanburð á. Að beiðni Byggðastofnunar reiknaði Fasteignskrá út fasteignamat og fasteignagjöld á sams konar fasteign vítt um landið. Viðmiðunareignin er einbýlishús sem er 161,1 m2 að grunnfleti og 351m3. Stærð lóðar er 808m2. Gjöldin eru reiknuð út samkvæmt núgildandi fasteignamati sem gildir frá 31. desember 2009. Kom fram í útreikningnum að fasteignamat er mjög mismunandi eftir því hvar á landinu er. Fasteignamat húss og lóðar á höfuðborgarsvæðinu, miðað við meðaltal, er 34,2 milljónir. Af þeim þéttbýlisstöðum sem skoðaðir voru utan höfuðborgarsvæðisins er matið hæst í Keflavík, 25,8 milljónir, og á Akureyri 25,6 milljónir. Lægst er matið á Patreksfirði, eins og fyrr segir, en þar er það 7,9 milljónir en næst lægst er það í Bolungarvík eða 8,8 milljónir.

Danski markmaðurinn Sören Rasmussen, sem er þessa dagana að leika með Aab í úrslitaeinvígi um danska titilinn í handbolta, gengur til liðs við Flensburg fyrir næstu leiktíð.

Rasmussen leysir af hólmi Svíann Johan Sjöstrand sem mun leika með Barcelona á næsta tímabili.

Flensburg heldur áfram að leita á norrænar slóðir í leikmannakaupum en alls eru þrettán af sextán leikmönnum liðsins frá Norðurlöndunum. Þar á meðal er Alexander Pettersson en hann er á förum og mun leika undir stjórn Dags Sigurðssonar hjá Füsche Berlin á næstu leiktíð.

Sören Rasmussen er 33 ára og hefur leikið allan sinn feril í Danmörku. Hann hefur átt glimrandi gott tímabil og hefur átt sæti í danska landsliðinu. Samtals hefur hann leikið tólf leiki fyrir Dani.

Næsti leikur Rasmussen er á laugardaginn eftir viku og er það mögulega síðasti leikur hans með liðinu. Aab hefur betur gegn Kolding 1-0, í einvíginu um titilinn og vinni liðið næsta leik er það danskur meistari.