<head>
<title>Third topic</title>
</head>
<body>
<h2 align="center">Quinto Orazio Flacco</h2>
<blockquote>
Tu ne quaesieris (scire nefas) quem mihi, quem tibi<br>
finem di dederint, Leuconoe, nec Babylonios<br>
temptaris numeros. Ut melius quicquid erit pati!<br>
Seu pluris hiemes seu tribuit Iuppiter ultimam,<br>
quae nunc oppositis debilitat pumicibus mare<br>
Tyrrhenum, sapias, vina liques et spatio brevi<br>
spem longam reseces. Dum loquimur, fugerit invida<br>
aetas: carpe diem, quam minimum credula postero.<br>
</blockquote>
</body>